خطة المذاكرة

اول المواد اللي هتقابلك في رحلتك مع الشهادة وتمثل 15% من الامتحان لعام 2020 وهدف المادة انك تقدر تكون فاهم القوائم المالية بدرجة قوية وتعمل تحليل مالي عشان توصل لقرار استثماري سواء كان شراء اسهم او منح او قرض او فتح تعامل مع الشركة

وهنتكلم في المادة دي عن فهم القوائم المالية واعدادها وهتفهم ازاي ان المحاسبة ليها تأثير كبير علي القرارات الاستثمارية وهتقابل من القوائم المالية قائمة الدخل وطرق الاعتراف بالايراد وقائمة المركز المالي وتقييم المخزون وتأثير الضرائب علي النتائج المالية وبعض النسب المالية اللي هتساعدك في فهم المحاسبة وعلاقتها بالاستثمار بالاضافة لاهم قائمة في عالم الاستثمار وهي قائمة التدفقات النقدية

احنا هندرس FRA  باستخدام المعايير الدولية IFRS  و دي قريبة اوي من معايير المحاسبة المصرية باختلاف في 4 معايير فقط وهنعرف الفروق بينها وبين معايير المحاسبة الامريكية GAAP

بتمثل 10% من الامتحان

عصب عالم الاستثمار كله قائم علي المادة دي هتفهم ليه الشركة ممكن تاخد قرار استثمار في المشروع ده بالذات عن مشروع تاني علي الرغم ان ممكن يكون المشروعين مربحين

هتشوف فيها اكتر من موضوع زي الموازنة الرأسمالية وازاي تقدر تقيم المشروعات سواء كانت ادخال منتج جديد او انتشار اكتر او حتي الة جديدة

هتقابل في طرق زي Npv  و IRR  وهتعرف ايه المشاكل اللي ممكن تقابلك وكمان هتتعرف علي تكلفة راس المال WACC  اهم رقم في عالم الاستثمار بعد الصفر بالاضافة لطرق ادارة الاصول المتداولة وغيرها في المادة دي

تمثل 11% من الامتحان

المادة دي بتناقش احد اهم الاصول المالية صاحبة الجدل واللي بتشمل مخاطر كثيرة هنشوفها سوا وهنتعرف علي الاصل ده بداية من عمليات طرحه في البورصة وهتعرف كمان طرق التقييم للسندات باشكالها المتنوعة وهنغوص شوية في عمليات حسابية جميلة هتفهم عالم السندات

تمثل 11 % من الامتحان

الشق التاني من الاصول المالية القديمة …القديمة اوي بجانب السندات

هتفهم يعني ايه بورصة وان المؤشر ده ارتفع بكذا مليار ده معناه ايه

هتفهم يعني ايه استثمار في الاسهم وبرده هتشوف طرق التقييم المختلفة واشهرها DCF اللي متعلقة بقائمة التدفقات النقدية اللي قولنا انها احد اهم القوائم المالية في عالم الاستثمار

تمثل 6 % من الامتحان

المشتقات المالية هي احد اخطر الاصول المالية علي الاطلاق زي الكارثة اللي اجتاحت العالم في 2008

والمشتقات المالية هي ادوات مالية تشتق قيمتها من اداء اصل حقيقي او مالي او عقود اساسية لادوات استثمارية

تستخدم المشتقات المالية لعدد من الاغراض وتشمل ادارة المخاطر والتحوط ضد المخاطر والمراجحة بين الاسواق ولاغراض المضاربة البحتة ايضا

ولشراء هذة الادوات المالية تستخدم الرافعة المالية التي تسمح بشراء المشتقات بسعر يتجاوز كتير الاصول المتاحة للاستثمار

تمثل 6% من الامتحان

مادة الاستثمارات البديلة هنتناقش فيها عن اصول مالية مختلفة عن الاصول التقليدية وهتتكلم فيها عن عالم العقارات والسلع زي البترول والذهب وغيرهم

ومن اهم مميزات الاستثمارات البديلة والتي تجعل من المستثمرين وخصوصا الاثرياء ان يحرصون علي وجود هذه الاستثمارات في محافظهم لان عوائد الاستثمارات البديلة لا تاثر بأداء الاستثمارات المالية الاخري او تتأثر بنسب بسيطة واحيانا تكون بشكل عكسي لذلك هذه الاستثمارات تضيف نوع من التوازن للعوائد المحققة وتجعل العائد الكلي للمحفظة اكثر استقرارا كما ان بعض الاستثمارات البديلة تحقق عائد يتفوق علي عوائد الاستثمارات  التقليدية زي private equity   و hedge fund

تمثل 10% من الامتحان

الاحصاء….اي مدير مالي عتيق هتلاقيه دايما بيقول ان الشخص يكدب لكن الارقام مبتكدبش  المادة اللي بتخلي الارقام تنطق

مادة رخمة بس لذيذة لو فهمتها بشكل كويس وهتعرف قيمة الاحصاء لانك هتدرسها بشكل مختلف كل النقاط الرئيسية اللي هتتكلم فيها هيكون ليها مدلول من الواقع العملي لمجال الاستثمار زي Time value of money   وعمليات الاحتمالات والتوزيع الطبيعي وامور تانية ضرورية لعالم المال والاعمال

الاقتصاد…هتدرس هنا يعني ايه اقتصاد كلي واقتصاد جزئي هتفهم اللي بيحصل في البلد من الاصلاحات الاقتصادية صح او غلط

هتفهم يعني ايه ناتج قومي بتفاصيله ،سعر الفائدة بترتفع وتنخفض ليه وعلي اي اساس

وهتاخد في المادة دي نظرة سريعة علي بعض المفاهيم والمبادئ الاقتصادية زي العرض والطلب والتجارة الدولية وتدفق رؤؤس الاموال والسياسات اللي الدول بتقوموبيها زي السياسة النقدية والمالية واثر الفائدة والتضخم علي الانتاج وارقام الاقتصاد الكلي

تمثل 6% من الامتحان

احد اهم مواد الشهادة علي الاطلاق وهي المهتمة بعمليات ادارة كل الاصول اللي ذكرناها فوق وهتتعرف فيها علي مبادئ زي العائد والخطر وازاي تستخدم الادوات والاصول المالية في عمليات ادارتك للمحفظة وتعظيم العائد وتقليل المخاطر المتعلقة بالمحافظة الاستثمارية وهتعرف يعني ايه systematic risk   وهتقابل مصطلحات قوية ومهمة زي diversification  Beta  لانها بتلم كل المواد

تمثل 15% من الامتحان

لا يوجد علم بدون ان تكون له اخلاقيات مهنية…مادة في غاية الاهمية بالنسبة للشهادة ولازم تذاكرها من كتب المعهد وهتقابل فيها بعض المعايير المهنية اللي المعهد وضعها للحفاظ علي سمعة ونزاهة عالم الاستثمار